Olden Active er eigd og drive av far og son Briksdal, og er ein totalleverandør av opplevingar i indre Nordfjord. Med over 30 års erfaring i reiselivsnæringa – og ein familietradisjon som strekkjer seg meir enn 150 år tilbake i tid – legg vi til rette for profesjonelle og minnerike opplevingar i spektakulær vestlandsnatur.
Vi tilbyr utleige og guida opplevingar i og rundt Olden, der fjord, fjell og bre skaper ei unik ramme for aktive naturopplevingar. Som lokal aktør er vi opptekne av berekraftig utvikling, lokal verdiskaping og ekte vertskap. Våre guidar og skippere er sertifiserte etter gjeldande bransjestandardar og sørgjer for trygge, personlege og profesjonelle opplevingar.
I generasjonar har vi ønskt gjester frå heile verda velkomen til Olden og lagt til rette for opplevingar tett på naturen og i takt med omgjevnadene. Gjennom aktivitetar som RIB-turar, kajakk, SUP og el-sykling ønskjer vi å gi gjestene våre uforgløymelege opplevingar i hjartet av det beste Nordfjord har å by på.